Бүгін, 2021 жылдың 27 шілдесі күні «Батыс су арнасы» ЖШС облыс әкімі Ғ.Искалиевтің төрағалығымен Орал қаласын сумен қамту мәселесі бойынша көшпелі отырыс өтті.

Отырыс барысында Орал қаласының әкімі А.Шыныбековтың, «Батыс су арнасы» ЖШС бас директоры А.Аркеновтың, «Жайықжылуқуат» АҚ бас директоры Қ.Мусиннің баяндамалары тыңдалды, сонымен қатар отырысқа республикалық, облыстық, қалалық БАҚ өкілдері қатысты.  

Облыс әкімі Ғ.Искалиевке 2021 жылы сумен қамту және суды бұру бойынша ұсынылатын қызметтердің сапасын жақсарту үшін жүзеге асырылудағы шаралар таныстырылды, сонымен қатар шаралар аясында кәсіпорын үшін сатып алынып, жеткізілген 7 бірлік арнайы техника таныстырылды.  

Сатып алынған арнайы техника:

• «КО-560» біріктірілген– 1 бірлік.
• «КО-524» лайсорғыш – 2 бірлік.
• «КО-564 -30» арналарды жуу машинасы– 2 бірлік.
• «Кобра 150» арналарды жуу машинасы– 2 бірлік.
• Апаттық-жөндеу машинасы – 2 бірлік.

Барлығы: 9 бірлік.

Арнайы техника сатып алу үшін қаржы бөлінді және 7 бірлік арнайы техника алынды, 2 бірлік техниканы жеткізу 2021 жылдың тамыз айына жоспарланған.